UNIVERSIDADE INDONESIA LA IHA QUALIDADE?

Foin dadauk nee Estudante Timor oan sira iha Indonésia rona informasaun nebe halo estudante sira nebe eskola iha Indonésia sira ran sae uituan. Vice Ministro Educação Timor Leste nian dehan katak eskola iha Indonésia la iha qualidade.liafuan ne’e koalia sai

wainhira halao sorumutu ho estudante Universitário nebe halao estudo iha malang. Hau mos nudar estudante ida nebe agora dadauk nee halao hela hau nia estudo iha Indonésia, triste los wainhira rona liafuan nee. Hau la imagina Vice Ministro ida bele dehan hanesan nee. Nudar Vice Ministro Educação ida nebe iha knaar boot ba educação iha Timor nia tenke hanoin”tamba sa mak estudante barak los mak mai iha Indonésia atu buka metenek kuando remata ona nia estudo iha escola secundaria. Quer dizer que estudante barak mak mai iha Indonésia tamba iha buat ruma nebe la los iha parte Educação Timor. Ita mos labele dehan katak Processo Educação iha Timor la los, não! Educação Iha Timor buat barak mak lao ona no iha mos escola barak mak Qualidade diak ona. Ita mos tenke apresia ba processo desenvolvimento nebe agora dadaun nee iha ita Nia rai Timor.

Ita mos labele nega katak Timor foin mak Ukun an nebe ita hahu buat hotu husi zero. Timor Leste kompara ho ema karik sei labarik ida nebe precija tulun husi familia, maun alin, Kolega nomos ema seluk. buat hotu nebe ita hahu laos milagre nebe mosu mai deit maibe precisa processo nebe naruk no sakrificio nebe boot.  E jovem barak nebe buka metenek iha Indonésia nee hili sala ona dalan ba processo apredigem? Hau hanoin lae. Dala ida tan ministro Educação liu-liu ba Vice Ministro nebe koalia sai liafuan nee husu ba Nia an”tamba sa mak Jovem Timor Oan barak los mak mai buka matenek Iha Rai seluk, liu-liu iha Indonésia? E tamba sa mak estudante univesitario balun iha Timor la remata nia estudo iha Timor maibe hakarak remata nia estudo iha Indonésia?tamba sa?

Tenke mos iha rekonhecemento ida katak problema barak mak estudante Timor oan sira halo iha Indonésia tamba razões barak, bele razao pesoal bele mos razao group. Ida fraqueza boot ida nebe Estudante sira “susar”atu husik. Maybe  tenke iha mos rekonhecemento seluk katak Timor oan barak nebe iha fo an tomak ba nia estudo no konsege Lori Timor nia naran morin iha ema nia rain liu-liu iha Indonésia.

            Ita labele nega katak estudante sira nebe uluk halao nia estudo iha Indonésia agora dadauk nee barak los nebe servisu iha area oin-oin ba desenvolvimento Rai Timor. Mesmo labele halo buat boot maybe pelu menus bele halo netik buat kiik ruma ba Rai Timor.

Ita hare realidade agora estudante kuase rihun ba rihun nebe mai buka matenek iha rai Indonésia e  hau bele dehan katak quantidade boot liu nee iha Indonésia. E estudante sira nebe agora dadauk halao nia estuda mos iha area oin-oin e fiar katak depois de sira remata ami nia estudo ami mos iha mehi boot ida ba desenvolvimento iha rai Timor.

Antes hau atu taka hau nia  artigo kiik oan ida nee hau iha pergunta no mos statement reflektiva nebe hau hakarak apresenta ba ita hotu liu-liu ba Vice Ministro Educação”se Qualidade Educação iha Indonésia la diak”tamba sa mak jovem barak mak halao nia estudo iha Indonésia? Iha realidade balun nebe hau hasoru”estudante barak los mak hetan sucesso, halo morin Timor nia naran iha ema nia rain e iha mos Estudante nebe halo foer Timor nia naran iha ema nia rain, Ne problema se nian?estudante sira nebe hetan sucesso no hetan problema sira nee ita taka matan hotu ba sira ou loke matan hotu ba sira?ou taka matan ba balun no loke matan ba balun? Se selu tiket avião husi Timor mai iha Indonesia atu dehan deit katak universidade iha Indonesia qualidade la diak ou atu fo coragem ba estudante sira?

Dala ida tan nudar estudante nebe agora dadaun nee hala’o hau nia estudo iha Indonésia la satisfaz ho liafuan husi Vice Ministro Educação ba estudante sira iha Indonésia. Nudar Ministro ida nebe iha kompetencia tenke fo coragem ba nia emar sira nebe agora nee halao nia estudo iha fatin barak iha mundo tomak, tamba ema sira nee mos loron dia sei halo buat ruma ba rai Timor mesmo halo buat sira nebe la boot liu. Hau fiar katak realidade nebe estudante sira hasoru iha ema nia rain se sai esperiencia no “pegangan’ diak ida atu loron ida bele hadiah buat ruma iha ita nia Rai Timor Lorosa’e nebe ita hotu hadomi.

Nudar estudante ida nebe agora estudo iha Indonesia apresia nafatin ba esforsu nebe estado halo ba rai Timor e fiar katak loron ida laos ita mak ba eskola iha ema nia rain maybe ema mak sei mai eskola iha Rai Timor.

El Tino Perdido

Estuda Comunicação iha Yogyakarta