ITA LUTA BA SAIDA..?????
CATATAN SEORANG ANAK JALANAN YANG PRIHATIN.
Timor Leste hanesan Nasaun foun ida nebe mosu iha ano milenio nee, nebe delega legalmente iha tinan 2002 iha tasi tolu. Ita hotu labele nega katak Timor nasaun ida nebe foin moris precija tulun husi nasaun seluk. Maibe laos dehan katak buat hotu-hotu ita sadere ba Nasaun seluk. Buat barak nebe ita rasik bele halo. atu hetan independencia nee laos buat facil ida no mos laos processo nebe badak, maibe precija sacrificio boot no processo nebe naruk. Ita tenke lakon baut barak atu bele hetan independencia nee. iha loron 30 de augostu tinan 1999 ita hotu decide atu husik an husi Indonesia tamba deit hakarak liberdade no moris ukun an rasik. ita hakrak iha lian rasik, iha presidente rasik, ita hakarak iha bandeira rasik, ita hakarak iha hino nasional rasik atu dehan katak ita hakarak sai nasaun ida ida nebe la sadere ba nasaun seluk. Se ita hare fali ba kotuk, iha tempo luta nian, ita kaer metin los buat ida naran unidade, fraternidade no nasionalidade. la iha separasaun entre ita timor oan rasik, maibe iha interese balun mak halo ita fahe malu.
iha artigu ida nee hau hakarak foka liu ba iha Valor bandeira ba nasaun ida..
Nasaun ida nian simbolo ida mak bandeira. Ita nia luta durante tinan hirak nia laran hakarak deit atu iha bandeira rasik. Ita hotu hare no fo valor ba bandeira nee hanesan buat lulik ida. Iha Filme sira, mesmo nee laos buat real, baseia deit ba acontecemento real maibe ita bele hare katak oinsa luta nain sira fo an ba bandeira. mate bele mate naran katak bandeira keta kona rai sa tan nakles.....hau prontu mate bandeira hun!!!!husi nee ita bele hola konklusaun ida katak bandeira nia valor mos boot tebes ba nasaun ida. Bandeira nasaun ida-idak nian iha ia filosofia rasik. Bandeira nia kor iha nia signifika rasik nebe klean tebes ba nasaun ida. Group ida ka Nasaun ida atu halo nia Bandeira, sempre ho nia signifika rasik nebe sai hanesan motivasaun no sai mos hanesan simbolo ba nasaun ida. Ita Timor nia bandeira rasik mos iha nia filosofia rasik. Kor ida-idak iha nia signifikasaun rasik.
husi kor sira nee mak sai hanesan motivasaun no forsa atu ita luta atu bandeira ida nee bele mos iha nia evento rasik. Maibe depois de ita ukun rasik, sa ida mak ita hare..?realidade hatudu oin seluk.......
Kesi no Dada Bandeira iha ai......?
Iha dia 6 de augostu 2009, depois de Presidente Eleito DR. Jose Ramos Horta hili Xanana sai primeiro Ministro, iha acontecemento lubuk ida nebe ita nunka imagina katak bele akontece iha ita nia rai. boikote iha fatin-fatin liu-liu iha parte Leste hahu husi Baucau too iha Watulari. Dalan hotu taka, buat hotu la lao tan deit la simu decisaun husi Presidente Ramos Horta. Iha momento nee hau rasik hare ho matan oinsa mak ema sira espressa sira nia insatisfasaun ba desisaun nee. Iha Fatumaka UN nia kareta ida hetan sunu,Iha watulari uma rihun ba rihun hetan sunu, no iha fatin seluk tan. Hau rasik mos bele dehan sai sasin moris ba acontecemnto balun. iha fatin hotu Bandeira kesi iha fatin hotu. iha au tutun, hali tutun, ailele tutun no ai seluk tan...Husi nee pergunta boot ida mosu derepente iha hau nia kakutak...Valor bandeira nian iha nebe?ou Ida nee mak hatudu katak fo Valor ba Bandeira?Momento neba lao tempo campanha laos mos tempo nasional ruma maibe tempo bain-bain ida.....acontecemento sira nee hamosu bebeik pergunta iha hau nia kakutak”tamba sa?
Hau hare rasik ho matan bandeira balun iha ai lele tutun, ai teka tutun, hali tutun, au tutun, iha ponte, iha samtuku no iha ai balun tan nebe hau la hatene nia naran. Balun husik too semana ida, balun husik too fulan ida, balun husik too fulan nee, balun husik too tinan ida, balun husik too haluha kore husi ai hun too bandeira nia kor ita la bele nota: metan mak nebe, mutin mak nebe, mean mak nebe ita la hatene. Bandeira nebe uluk ema considera hanesan lulik nee nia valor iha nebe?
Atu taka hau nia artigu nee hau husik hela deit pergunta refletivo ba ita hotu atu bele hanoin hamutuk kona ba Valor husi simbolo nasaun ida nian. Atu fo Valor ba Simbolu nasaun ida ita kuidadu simbolo ne ka ou ita kesi no dada iha fatin hotu?se Dehan ita tenke kuidadu tamba sa mak ita husik iha ai tutun sira nee too nia kor lakon tiha mos ita la kore fali? se dehan ita tenke kesi no dada iha fatin hotu, tamba sa mak ita la kuidadu?tamba sa mak tenke kesi iha ai tutun sira? Ba ulun boot nasaun sira, tenke hare no tau matan ba buat sira nee, tamba nee laos buat bai-bain ida nebe tenke husik nunee deit. Buat ida mak ita hotu tenke tau iha ita nia ulun no fuan katak”Agora laos ona tempo atu brani fo an mate ba ita nia nasaun maibe tempo atu brani moris ba ita nia nasaun. Atu hatudu ita nia domin ba ita nia nasaun laos tenke kesi bandeira hodi lao ba mai, laos dehan katak kanta hino nasional, laos dehan katak tenke koalia tetun maibe hatudu deit husi buat nebe kiik liu, buat nebe ita hotu dala barak liu la fo atensaun ba ida mak: soe foer iha nia fatin, atu ita nia nasaun bele mos nafatin. se ita halo ona buat kiik liu nee, ita mos kontribui ona ba desenvolvemento nasaun nian.
