SPEPAL FATUMETA

SEMINÁRIO MAIOR SÃO PEDRO NO SÃO PAULO

FATUMETA DILI

Seminario laos hanorin ema atu sai Padre deit, laos hanorin ema atu sai matenek deit maibe hanorin ema atu sai ema nebe integrado iha matenek, fe, vida social, iha vida humana nebe mai husi ida-idak nia fuan laran.

Seminário Maior São Pedro no São Paulo Fatumeta Dili hari iha tinan 2000 liu. Hari husi Bispo Dom Carlos Filipe Ximenes Belo ho Dom Basilio do Nacsimento. Hari fofoun buat barak mak la iha, buat barak la completo maibe ho Esperanca nebe metin no fiar metin ba Nai Maromak Seminário nee bele lao ba oin nafatin maske ho dificuldade no desafius oin-oin. Tinan ba tinan estudante aumenta ba bebeik no nunka atu husik Seminário mamuk. Dormitorio mos amenta tan tamba seminarista barak ba bebeik atu prepara-an sai Futuru Sacerdote no Futuru Lideransa ba Igreja no rai Timor ho Halao actividade oin hanesan Actividade Intelectual, Espiritual no Social. Ectividade Intelectual sira ne mak haenesan estuda Filosofia, Teologia, Psicologia no Lisao seluk tan nebe iha relasao ho Intelektual. Iha parte Espiritual nian mak hanesan Reja, Le Biblia, Retiru, Reflexao, Fo retiro, Halo Celebrasaun no seluk tan. Actividade Social nian mak oinsa atu konhece moris sociedade hodi tama iha sira nia leet no hanorin kona ba fiar no matenek. Actividade extrakurikuler  mos  Frater sira aprende iha seminario mak hanesan Desporto, Toka, Pinta, Halo toos no etc. atu bele halao actividade sira iha leten laos buat facil, maibe liu husi dificuldade nebe barak los. Ita bele dehan katak Seminario halai monu, hader halai fali monu fali....... Dificuldade sira nebe uluk iha neneik maibe bebeik komesa resolve ona maske laos hotu kedas. Antes atu tama iha Seminario Maior tenke liu husi Seminario Menor Nossa Senhora do Rosario de Fatima Balide(tinan 4) no Seminario Ano Espiritualidade São João Maria Vianney Dare(tinan ida). Iha tinan 2006 Seminário tenke sai fatin refugiados ba ema besik rihun 5 nebe husik sira nia fatin tamba krise politico nebe mosu iha tinan neba. durante fulan hirak nia laran actividade Seminário labele lao ho diak tamba fatin sira nee ocupado hotu husi refugiados sira. Hakarak ka lakohi ne mak missão Seminaristas sira nian nebe hakarak tuir Nai Jesus Nia dalan. Hanesan Mestre boot Jesus hanorin katak domin boot liu mak fo an ba ema seluk nia moris, nunee mos Seminaristas ka Frater sira husi Seminário Fatumeta entrega an tomak atu bele salva ema seluk nia vida. laos buat facil maibe ho Nai Jesus nia tulun Frater sira bele halao nia missão ho diak. durante tinan rua nia laran Seminário sai fatin ba refugiados nebe tauk mate tamba krise. neneik-neneik situasaun komesa lao normal, maske iha fatin balun sei iha problema.

Maske iha situasaun nebe muda tun sae Seminário existe nafatin hodi hamosu lideransa foun ba Igreja no rai timor leste. depois de tinan rua iha fulan maio 2008 Seminário mamuk husi refugiados sira. Fatin primeiro nebe husik refugiados sira. quase 3000 refugiados hetan subsidio no fila ba nia hela fatin ida-idak. Situasaun foun mosu, kondisaun foun ida ba Frater sira Fatumeta atu hahu buat foun ida. Durante tinan rua nia laran halao actividade iha refugiados nia leet, comesa 2008 fulan maio ba oin hahu ho kondisaun foun ida. Iha loron 30 fulan Novembro 2008 Primeira vez Seminário fatumeta halo nia primeira colheta ba nia seminarista sira. dehan primeira colheta tamba nee puro totalmente husi Seminraio Fatumeta. maske iha tinan tinan nebe liu ona hamosu ona Sacerdote foun ba Rai timor. Primeiro Sacerdote Husi Fatumeta mak Pe. Joaquim, Pe.  Joao no Pe. Evaresto, Pe. Ivo, Pe. Jose, Pe. Bento, Pe. Lorenco, Pe. Anibal etc. depois ida nee utir mai Seminário nunka atu falta oferece sacerdote ba Igreja Timor no Lideransa ba Rai Timor. Foin dadaun iha loron 8 fulan desembro 2010 Seminario Fatumeta Oferese tan Padre nain 5 (Pe. Justino, Pe. Natalino, Pe. Abril, Pe. Alberty no Pe. Helio)ba Igreja rai Timor no iha fulan Janeiro agora sei Halao tan Ordenasaun Diakonado ba Frater nain hat iha Baucau (Fr. Natalino, Fr. Jose, Fr. Eusebio no Fr. Avelino) no iha fim de janeiro sei fo tan ordenasaun Diakonado ba frater nain tolu iha maliana (Fr. Hipo, Fr. Marques no Fr. Carlos). Ita hotu hein katak tuir mai Seminario Fatumeta ho Maromak nia tulun sei oferese nafatin Sacerdote barak ba Igreja Timor no Lideransa barak ba Rai timor Leste. Tuir Mai hau convida ita hotu atu konhece Seminário São Pedro no São Paulo Fatumeta Dili.

Capela, Fatin atu Celebra Eucaristia..Centro Fiar ba Frater sira.....